Kryetari i Aleancës për Ardhmërinë e Kosovës [AAK], Ramush Haradinaj sot ka prezantuar planprogramin qeverisës 2025-2029.
Haradinaj ka thënë se ky program është rezultat i shumë tryezave dhe konsultimeve me partnerët e koalicionit.
Sipas Haradinaj, planprogrami qeverisës 2025-2029, bazohet në katër shtylla.
“Anëtarësimi urgjent i Kosovës në NATO; Zhvillimi i hovshëm Ekonomik; Përmbyllja e Dialogut me Serbinë me njohje reciproke dhe integrim në BE; Kosova shtet i jetueshëm e jo i braktisur”, ka thënë Haradinaj.
“Vizioni ynë i shprehur në këtë Program për ta pasur një Kosovë Ndryshe, një Kosovë më të plotë, më sovrane, më të fortë, më demokratike e më të zhvilluar qëndron mbi katër shtylla”, u shpreh Haradinaj.
