Edhe pse isha pjesë e takimit me kryeministrin Kurti, u detyrova ta lëshoj takimin sepse Kurti mbante ligjërata e nuk na sqaronte se përse ka prishur raportet me Amerikën dhe përse nuk po kthehej që të realizojë kërkesën e tyre.
Për mua është e papranueshme që në raste kaq të ndjeshme, të prishim raportet me aleatin kryesor të sigurisë.
Kryetari i Aleancës për Ardhmërinë e Kosovës, Ramush Haradinaj, doli nga takimi me kryeministrin Albin Kurti, ku ishte ftuar të fliste rreth situatës në veri.
Pasi doli nga objekti i Qeverisë, Haradinaj nuk foli për medie, por pak më vonë shkroi në rrjetin social Facebook, ku tha se u detyrua ta lëshojë takimin pasi sipas tij, Kurti po mbante ligjërata e nuk po sqaronte “pse i ka prishur raportet me Amerikën”.
Haradinaj tha se është se është e papranueshme që në raste të ndjeshme, të prishen raportet me aleatin kryesor të sigurisë.
Në takim me kryeministrin Albin Kurti ende gjenden kreu i LDK-së, Lumir Abdixhiku dhe ai i PDK-së, Memli Krasniqi.
