Kryetari i Aleancës për Ardhmërinë e Kosovës (AAK), Ramush Haradinaj, ka bërë homazhe pranë varreve të heronjve Afrim Zhitia e Fahri Fazliu në përvjetorin e tyre të rënies.
Haradinaj ka thënë se pa sakrificën e tyre dhe gjakun e derdhur nuk do të vinte liria.
“Afrim Zhitia e Fahri Fazliu ishin ndër prijetarët e lëvizjes më të madhe që kanë krijuar shqiptarët në ish-Jugosllavi dhe më vonë UÇK-n. Vitet kalojnë por e vërteta mbetet e njëjtë. Pa sakrificën e tyre dhe gjakun e derdhur për liri, pa mundin dhe angazhim ndër breza të shqiptarëve, nuk do ta kishim mbërri lirinë të cilën jemi gati ta mbrojmë gjithmonë”, ka thënë Haradinaj.
