Kryetari i Aleancës për Ardhmërinë e Kosovës (AAK), Ramush Haradinaj, ka thënë se Kongresi i Manastirit shënoi një fillim të rëndësishëm në identitetin shqiptar. Haradinaj këtë deklaratë e ka bërë në 115-vjetorin e konferencës akademike në qytetin e Manastirit që për qëllim kishte standardizimin e alfabetit të gjuhës shqipe.
“Para 115 vitesh në Manastir, nisi puna për krijimin e një alfabeti të përbashkët shqip. Kongresi i Manastirit, me patriotë dhe intelektualë nga gjithë trojet shqiptare, u bashkua për një kauzë historike. Ky kongres shënoi një fillim të rëndësishëm në identitetin tonë shqiptar, duke bashkuar të gjithë pa dallim për një qëllim të madh kombëtar”, ka thënë Haradinaj.
