Deputeti i Aleancës për Ardhmërinë e Kosovës, Ramush Haradinaj, tha se është i tronditur se keqtrajtimin e së moshuarës nga infermieret në Pejë.
Ai shkroi në Facebook të mërkurën se sulmi ndaj nënës së dëshmorit Taulant Nura, është i papranueshëm.
“E papranueshme dhuna e shfaqur në video. I tërë zinxhiri menaxhues dhe autorët e këtij krimi, të dalin para drejtësisë. Rastet e tilla janë aq sa të dhimbshme po aq të neveritshme dhe nuk kanë vend në Kosovën tonë! Nënat, të moshuarit dhe çdo kategori e ndjeshme e shoqërisë tonë, meritojnë trajtim dhe dinjitet. Uroj që këto raste të mos përsëriten më kurrë”, shkroi Haradinaj.
Për rastin kanë reaguar edhe krerë institucionesh.
