Deputeti Haki Abazi ka folur sot lidhur me hapësirën e deputetit në Kosovë dhe çështje tjera politike e partiake, me ç’rast ka thënë se ka kërkuar që Mimoza Kusari-Lila të largohet si udhëheqëse e Grupit Parlamentar të Vetëvendosjes.
Siç tha ai, në GP të VV-së ka hendikep të madh për shkak se kryesuese e ka një person që nuk vjen nga Vetëvendosja.
“Po kam kërkuar. Mungesa e kohezionit, mungesa e vullneti mungesa e idesë që një deputet që nuk është pjesë e VV-së të udhëheq një grup kaq të madh sepse dinamikat brenda lëvizjes e bëjnë po ashtu komplekse përfaqësimin e grupit parlamentar. ka njerëz që janë brenda grupit parlamentar që kanë aftësi dhe durim më të madh për ta udhëhequr grupin parlamentar”.
Ai është ankuar për hapësirën që po i jepet deputetit të Kosovës në publik, me arsyetimin se nuk është punë mosangazhimi por se “ka të bëjë me skenarë që paraqitën në seanca plenare apo debate që nuk lënë hapësirë të mjaftueshme për deputetët të angazhohen”.
“Dy probleme themelore të këtij skenari, është se si bëhet ndarja në komisione, janë jashtë idesë si t’i bëjnë diskutimet. Në rastin dy, në rastin e GP të VV-së kemi hendikep të madh sepse kemi kryesues të GP një njeri që nuk vjen nga grupi ynë, nuk ka kohezion të brendshëm. I kam adresuar këto, t’i kthehemi deputetit sepse ai nuk është makineri votuese. Duhet të kemi kohezion edhe me partitë opozitare sepse do të jetë shumë vonë sepse dikur do të jetë vonë kur të kemi shpenzuar kohën me përballje me kriza të mëdha të rikthehemi në konsensuse”, tha ai.
Abazi ka adresuar disa pakënaqësi në mënyrën si po menaxhohet kriza me energjinë.
Ai në një konferencë për media ka thënë se draft-strategjia për energjinë është e njëjta me ato të qeverisjeve të 20 vjetëve të fundit, duke theksuar se duhet të ndryshohet, e sipas tij, të tejkalohet “problematika e 20-vjeçarit”.
“Mendoj se është momenti ta tejkalojmë problematikën e 20 vjeçarit dhe dështimit në sektorin energjetik dhe të fokusohemi në të tashmen dhe të ardhmen. Strategjia që është përgatitur për energjinë është përsëritje me ndryshim të vendeve të togfjalëshave të 20 vjetëve të fundit. Fakti që edhe ky draft strategji e ka kryefjalën te ndërtimi i kapaciteteve të reja prej qymyrit e bën strategjinë në kundërshtim me trendët dhe agjendën e gjelbër të BE-së. Nuk ofron asnjë zgjidhje përveç që ofron dëm të madh për shëndetin”, tha Abazi.
Ai është ankuar për hapësirën që po i jepet deputetit të Kosovës në publik, me arsyetimin se nuk është punë mosangazhimi por se “ka të bëjë me skenarë që paraqitën në seanca plenare apo debate që nuk lënë hapësirë të mjaftueshme për deputetët të angazhohen”.
