Republika Islamike shënoi të shtunën 44-vjetorin e revolucionit iranian me mitingje të organizuara nga shteti, ndërsa hakerët anti-qeveritarë ndërprenë shkurtimisht një fjalim televiziv të presidentit Ebrahim Raisi.
Sipas mediave të huaja, përcjell Telegrafi, Raisi, qeveria e vijës së ashpër të të cilit përballet me një nga sfidat më të guximshme nga protestuesit e rinj që bëjnë thirrje për rrëzimin e saj, i bëri thirrje “rinisë së mashtruar” që të pendohen në mënyrë që ata të mund të falen nga udhëheqësi suprem i Iranit.
Në atë rast, ai i tha një turme të mbledhur në sheshin e gjerë Azadi të Teheranit: “populli iranian do t’i përqafojë ata me krahë hapur”.
Por fjalimi i tij i drejtpërdrejtë televiziv u ndërpre në internet për rreth një minutë, me një logo të shfaqur në ekranin e një grupi hakerësh të qeverisë anti-iraniane që quhet “Edalate Ali (Drejtësia e Aliut).
Dhe thuhet se një zë bërtiste “Vdekje Republikës Islamike”.
Protestat mbarëkombëtare përfshiu Iranin pas vdekjes në shtator të 22-vjeçares Mahsa Amini derisa ishte në paraburgim nga policia morale të vendit.
Forcat e sigurisë janë përgjigjur me një shtypje vdekjeprurëse ndaj protestave, ndër sfidat më të forta për Republikën Islamike që nga revolucioni i vitit 1979 që i dha fund 2500 viteve monarki.
