Osman Hajdari ka filluar zyrtarisht punën si drejtor i Spitalit të Përgjithshëm të Prizrenit “Prim. Dr. Daut Mustafa”. Në ditën e parë të mandatit të tij, ai është zotuar për dinjitet, profesionalizëm dhe transparencë në kujdesin shëndetësor publik.
Hajdari deklaroi se drejtimi i spitalit nuk është vetëm një rol administrativ, por një angazhim i drejtpërdrejtë ndaj pacientëve, punonjësve shëndetësorë dhe qytetarëve që presin trajtim cilësor dhe qasje të barabartë në shërbime.
“Do të udhëheq me parimin e transparencës, llogaridhënies dhe meritokracisë. Nuk do të ketë tolerancë për paaftësinë, neglizhencën apo mungesën e etikës profesionale,” u shpreh Hajdari.
Ai ftoi mjekët, infermierët, stafin dhe qytetarët të bashkëpunojnë në këtë proces, duke theksuar se vetëm përmes përkushtimit të përbashkët mund të rritet cilësia e shërbimeve shëndetësore në Prizren.
Postimi I Plotë:
Dita e parë në detyrën e Drejtorit të Spitalit të
Përgjithshëm të Prizrenit “Prim. Dr. Daut Mustafa”– një përgjegjësi e madhe dhe një mision për të sjellë dinjitet, profesionalizëm dhe transparencë në kujdesin shëndetësor publik.
Ky nuk është thjesht një rol drejtues, por një angazhim ndaj çdo pacienti, çdo punonjësi shëndetësor dhe çdo qytetari që pret trajtim dinjitoz, qasje të lehtë dhe shërbim cilësor.
Do të udhëheq me parimin e transparencës, llogaridhënies dhe meritokracisë. Nuk do të ketë tolerancë për paaftësinë, neglizhencën apo mungesën e etikës profesionale.
Ju ftoj të gjithëve – mjekë, infermierë, staf dhe qytetarë – të jemi së bashku në këtë rrugëtim.
