Ylli i Sporting Lisbonës, Viktor Gyokeres, thuhet se ka zgjedhur klubin e tij të ardhshëm.
Pas një sezoni spektakolar me Sportingun, ku regjistroi 54 gola dhe 13 asistime në të gjitha garat, sulmuesi suedez është kthyer në një nga lojtarët më të kërkuar të merkatos.
Deri më tani, 27-vjeçari është lidhur me disa nga klubet më të mëdha evropiane, përfshirë Manchester United, Juventus, Arsenal dhe Chelsea.
Më herët këtë javë, u raportua se është bërë oferta e parë zyrtare për Gyokeres.
Sipas mediumit portugez Record, Arsenali ishte klubi i parë që dorëzoi një ofertë konkrete prej 60 milionë eurosh me përfshirje bonusesh, në një takim të mbajtur të mërkurën.
Tani, thuhet se Gyokeres e ka zgjedhur destinacionin e tij të ardhshëm.
Sipas ekspertit të transferimeve Fabrizio Romano, Gyokeres e ka bërë të qartë përmes rrjeteve sociale se prioriteti i tij është kalimi te Arsenali.
“Prioriteti i Viktor Gyökeres është t’i bashkohet Arsenalit këtë verë, pavarësisht interesimit nga Manchester United javët e fundit”.
🚨🇸🇪 Viktor Gyökeres’ priority is to join Arsenal this summer despite calls from Manchester United in the recent weeks.
— Fabrizio Romano (@FabrizioRomano) June 14, 2025
Gyökeres always an option amid Šeško talks with no deal sealed so far, Arsenal keep assessing situation.
United remain keen but believe deal now unlikely. pic.twitter.com/iTdDbkEcCV
“Gyokeres mbetet opsion për Arsenalin, sidomos me bisedimet për Seskon që ende nuk kanë përfunduar me marrëveshje”.
“United mbetet i interesuar, por beson se marrëveshja është e pamundur tashmë”, ka shkruar Romano në X.
Përveç Gyokeres, Arsenali ka qenë i lidhur edhe me sulmuesin e Leipzigut, Benjamin Sesko, por deri tani, nuk është arritur ndonjë marrëveshje zyrtare për të.
