Sekretari i Përgjithshëm i Kombeve të Bashkuara, Antonio Guterres, në shënimin e 100 ditëve nga sulmi që dërgoi drejt luftës Izrael – Hamas, bëri thirrje që të gjitha rastet e dhunës seksuale të hetohen.
Guterres tutje kërkoi rigorozitet në trajtimin e rasteve të viktimave të dhunës seksuale nga sulmi i 7 tetorit.
Ai gjithashtu tha se zgjidhja e vetme është një armëpushim i menjëhershëm humanitar dhe kërkoi lirimin e menjëhershëm dhe të pakushtëzuar të të gjithë pengjeve në Gaza.
“Sa më gjatë të vazhdojë konflikti në Gaza, aq më i madh është rreziku i përshkallëzimit dhe llogaritjes së gabuar. Ne nuk mund të shohim në Liban atë që po shohim në Gaza. Dhe nuk mund të lejojmë që ajo që ka ndodhur në Gaza të vazhdojë”, tha ai.
