Trajneri i Man City, Pep Guardiola ka dalë në konferencë për shtyp përpara ndeshjes ndaj Bayern Munich.
Nesër na pret një ndeshje tejet interesante, në kuadër të çerekfinales së Ligës së Kampionëve.
Pep Guardiola thotë se City dhe Bayern Munich do të luajnë për të fituar ndeshjen e parë çerekfinale të Ligës së Kampionëve.
“Në këndvështrimin tim, Bayern nuk është një skuadër e krijuar vetëm për të menduar se do të ndodhë ndeshja e dytë, është ndërtuar për të ardhur këtu për të fituar,” shpjegoi fillimisht ai.
“Nga përvoja ime kur isha atje, kisha ndjenjën se nuk ka rëndësi se ku luan, duhet të jesh Bayern Munich dhe duhet të përpiqesh të fitosh.
Nëse ata mbrojnë ndoshta më shumë se zakonisht, kjo është sepse ne po bëjmë mirë. Por nëse nuk jemi mirë, do të mbrohemi më shumë se zakonisht.
Jo sepse mendoj se qasja e Bayern Munichut është të rri duarkryq, të mbrohet 90 minuta dhe të bëjë dy ose tre tranzicione, dhe pasi të shohim se çfarë ndodh në Allianz Arena. Unë nuk mendoj kështu, por në të njëjtën kohë nuk e di se çfarë do të ndodhë”, përfundoi Pep.
Kujtojmë që Man City – Bayern zhvillohet nesër nga ora 21:00.