Policia e Kosovës ka dhënë detaje për gjuajtjen me armë që ndodhi sot në Podujevë.
Zëdhënësi i Policisë për rajonin e Prishtinës, Agron Borovci, i ka thënë KosovaNews-it se nga rasti kanë mbetur të plagosur dy persona.
“Sot rreth orës 16:00, është raportuar për gjuajtje me armë zjarri të ndodhur në rrugën “Nuhi Gashi” në Podujevë. Me të marrë informatën, policia ka dalë në vendin e ngjarjes dhe nga informacionet e para dyshohet se dy persona kanë marrë plagë nga arma e zjarrit”, tha Borovci për KosovaNews.
Ndërkohë që të plagosurit janë dërguar për trajtimin e nevojshëm mjekësor, policia ka vazhduar me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin dhe arrestimin e të dyshuarve të implikuar në rast.
Siq bëhet e ditur nga mediat lokale, autori i sulmit ka gjuajtur me kallash në drejtim të viktimave për motive akoma të panjohura.
Dëshmitarët e kanë parë autorin e sulmit duke ikur nga vendi i ngjarjes me një veturë “Golf II”./KosovaNews/
