Policia e Kosovës njofton se e ka arrestuar një person në komunën e Gjilanit nën dyshimin se ka gjuajtur më një armë zjarri, e cila edhe është konfiskuar së bashku me 9 gëzhoja të plumbave.
Dje njësitet policore në rajonin e Gjilanit kanë pranuar një informatë se në një lagje të qytetit janë dëgjuar të shtëna me armë zjarri dhe pas angazhimeve në teren patrulla policore ka arritur që të lokalizoj vendin e ngjarjes, ka takuar të dyshuarin Shqiptar Kosovar F.R. (1971).
Prej këti personi policia e ka konfiskuar armen e llojit ,,Ecol Jackal Dual Compact’’ cal. 9mm së bashku me nëntë (9) gëzhoja dhe ato janë dortëzuar si dëshmi materiale për Gjykatë.
Bëhet e ditur se i dyshuari është arrestuar dhe është intervistuar në prani të avokatit mbrojtës.
Sipas policisë, në lidhje me rastin është njoftuar Prokurori i Shtetit i cili ka urdhëruar që të dyshuarit të lirohet në procedurë të rregullt, ndërsa rasti me kallëzim penal për veprat penale ,,Armëmbajtje pa leje’’ dhe ,,Shkaktim i rrezikut të përgjithshëm’’ të procedohet së bashku me provat në Prokurorinë Themelore në Gjilan./KosovaNews/
