Tetë furra nga rajoni i Gjilanit dhe ai i Pejës janë gjobitur sot pasi që inspektorët kanë hasur në parregullsi në peshën e bukës.
Ministria e Industrisë, Ndërmarrësisë dhe Tregtisë ka njoftuar se këto gjoba janë shqiptuar pasi tri bizneseve nuk u përputhej pesha e deklaruar e bukës dhe ndaj pesë të tjerave të cilat kishin peshoret e paverifikuara.
“Janë shqiptuar gjoba ndaj 3 bizneseve të cilave nuk u përputhej pesha e deklaruar e bukës si dhe ndaj 5 bizneseve të cilat kishin peshoret e pa verifikuara“, thuhet në njoftim.