Gjenerali Dedë Prenga ka komentuar mbi luftën mes Rusisë dhe Ukrainës, duke theksuar se Shtetet e Bashkuara nuk kanë interes strategjik të furnizojnë Kievin me raketa Tomahawk, pasi një veprim i tillë do të përkeqësonte marrëdhëniet tashmë të brishta me Moskën.
Sipas tij, prioriteti i Uashingtonit mbetet ruajtja e një balance me Kinën dhe shmangia e një afrimi të plotë mes Rusisë dhe Kinës.
“Nuk është në interesin e SHBA-ve dhënia e raketave Tomahawk në luftën Rusi-Ukrainë, kjo do përkeqësojë marrëdhëniet e brishta
SHBA-të përplasjen e kanë me Kinën dhe nuk duan që Rusia t’iu ikë totalisht në krahun e Kinës, që do prishte ekuilibrat.
SHBA-të me ekspertët ushtarak të Pentagonit po përgatisin opinion ndërkombëtar jo për t’ia shitur raketën Evropës për ta përdorur Ukrainë në luftën me Rusinë, por sapo të vendoset armëpushimi mes Urkainës dhe Rusisë, kjo lloj rakete do të jetë në arsenalin e shum shteteve të BE-së, do ta kenë si një mbrojtëse efikase.
Gjenerali shtoi se ekspertët amerikanë po përgatisin opinionin ndërkombëtar jo për përdorimin e raketave në luftë, por për vendosjen e tyre në arsenalin e vendeve evropiane pas një armëpushimi të mundshëm mes Rusisë dhe Ukrainës.
“Mendoj që po përgatitet opinion mbarëkombëtar që kjo raketë do shitet në Evropë dhe do vendoset në shumë shtete që kanë kapacitet për ta blerë”, tha Dedë Prenga.
