Dita e sotme ka pasur një fluks më të madh të qarkullimit nëpër pikë kalimeve kufitare të vendit, sidomos në dalje. Në disa pika kufitare janë krijuar kolona të gjata dhe udhëtarët po detyrohen të presin mbi 4 orë e gjysmë.
Të dhënat e fundit të publikuara nga Ministria e Punëve të Brendshme tregojnë se në pikë kalimin kufitar në Merdarë pritjet në dalje janë mbi 4 orë e gjysmë, ndërsa radha e automjeteve është mbi një kilometër e gjysmë.
Ndërsa në këtë pikë kufitare në hyrje pritja nuk shkon më shumë se 15 minuta dhe radhët të automjeteve janë deri në 30 metra.
Në pikë kalimin kufitar Dheu i Bardhë në dalje pritjet janë deri në mb një orë e gjysmë, ndërsa radha e kolonave shkon deri në 1000 metra.
Në këtë pikë kalimi për hyrje, pritjet janë deri në 20 minuta.
Ndërkaq në të gjitha pikë kalimet e tjera kufitare, si në dalje dhe në hyrje pritjet janë më të shkurta./KosovsNews/
