Të dielën në stadiumin “Fadil Vokrri” u zhvillua ndeshja futbolliste ndërmjet Kosovës dhe Izraelit, në kuadër të kualifikimeve në Euro 2024.
Kosova shënoi fitore 1 me 0 ndaj Izraelit, ndërsa, krahas urimeve qe morën lojtarët për paraqitjen e mirë në lojë, në rrjetet sociale pati shumë kritika sa i përket fushës së stadiumit, e cila pjesë-pjesë ishte me baltë, transmeton Telegrafi.
Deputetja e Lëvizjes Vetëvendosje, Fitore Pacolli, në platformën “X”, ka shkruar se Komuna e Prishtinës është përgjegjëse për mirëmbajtjen e fushës së stadiumit.
Ajo ka parashtruar pyetje për kryetarin Përparim Rama, duke e pyetur se “kush po t’i bllokon investimet dhe mirëmbajtjen e fushës”.
“Komuna e Prishtinës është përgjegjëse për investime dhe mirëmbajtjen e fushës në stadiumin e Prishtinës. Kush po t’i bllokon investimet dhe mirëmbajtjen e fushës o Perparim Rama? “Pak llap, pak gollak”, pak rrenc e pak manipulant”, është shprehur ajo.
Komuna e Prishtinës është përgjegjëse për investime dhe mirëmbajtjen e fushës në stadiumin e Prishtinës.
— Fitore Pacolli (@FitoreP) November 13, 2023
Kush po t'i bllokon investimet dhe mirëmbajtjen e fushës o Perparim Rama?
"Pak llap, pak gollak", pak rrenc e pak manipulant. pic.twitter.com/QqhP8oUqEN
Kritika për fushën e futbollit bëri edhe kapiteni i Izraelit, Eran Zahavi.
Pas ndeshjes, ai deklaroi se fusha e futbollit më shumë ishte si stallë derrash.
“Ishte më shumë stallë derrash se fushë futbolli. E kemi ditur se nuk do të jetë lehtë në secilën situatë dhe nuk morëm pikë sonte”, u shpreh ai.
