Një person 64-vjeçar, i nacionalitetit serb, është gjetur i vdekur në Brezancë të Leposaviqit.
Autoritetet dyshojnë se viktima mund të ketë jetuar i vetëm dhe vdekja e tij ka ndodhur si rezultat i një aksidenti.
Lajmin e ka konfirmuar zëvendësdrejtori i Policisë për Rajonin e Veriut, Veton Elshani, i cili ka theksuar se rasti është ende nën hetim.
Po ashtu, dyshohet se viktima mund të ketë qenë i vdekur për disa ditë para zbulimit të trupit të tij.
“Është një vdekje që trajtohet si e dyshimtë, por dyshohet se vdekja mund të jetë shkaktuar nga lëndimet e marra nga drunjët që kanë rënë mbi trupin e tij, ndoshta aksidentalisht. Megjithatë, kjo do të konfirmohet nga Mjekësia Ligjore,” ka thënë Elshani
