Policia e Kosovës njofton se një burrë është gjetur pa shenja jete në shtëpinë e tij në Prizren.
Në raportin 24 orësh të Policisë, thuhet se rasti ka ndodhur të mërkurën, ndërsa vdekjen e viktimës e ka konstatuar ekipi mjekësor.
“Një mashkull kosovar është gjetur pa shenja jete në shtëpinë e tij. Vdekjen e viktimës e ka konstatuar ekipi mjekësor në vendin e ngjarjes. Me vendim të prokurorit trupi i pajetë i viktimës është dërguar në IML në obduksion”, thuhet në njoftim.
Bëhet e ditur se rasti po vazhdon të hetohet.
Kurse Policia njofton se edhe një person është gjetur pa shenja jete para shtëpisë së tij.
Sipas raportit të Policisë së Kosovës, rasti ka ndodhur të mërkurën rreth orës 09:40, në Gjakovë.
Tutje bëhet e ditur se sipas familjarëve viktima ka qenë me probleme shëndetësore dhe nuk kanë ndonjë dyshim për shkakun e vdekjes.
“Një mashkull kosovar është gjetur pa shenja jete para shtëpisë së tij. Vdekjen e viktimës e ka konstatuar ekipi mjekësor në vendin e ngjarjes. Sipas familjarëve viktima ka qenë me probleme shëndetësore dhe nuk kanë ndonjë dyshim për shkakun e vdekjes”, thuhet në raport.
Ndërkaq, me vendim të prokurorit trupi i pajetë u është liruar familjarëve për ceremoni mortore.
