Një person ka raportuar se, derisa po punonte në fshatin Selishtë të Komunës së Gjilanit, gjatë gërmimeve ka hasur në disa mjete të dyshuara të pashpërthyera.
Njësitë përkatëse policore kanë dalë menjëherë në vendin e ngjarjes, duke siguruar perimetrin për të parandaluar rrezikun e mundshëm.
“Më pas, njësia për deminim (EOD), në bashkëpunim me KFOR-in, ka bërë tërheqjen e mjeteve në mënyrë të kontrolluar dhe të sigurt”, thuhet në raportin policor.
Sipas autoriteteve, operacioni është zhvilluar pa ndonjë incident dhe pa pasoja për qytetarët apo pronën.
