Qysh në muajin mars të këtij viti dyshohet se personi që është arrestuar sot nga Njësiti i Hetimeve të Stacionit Policor Viti, ka bërë disa shkelje ligjore si të shtëna me arme zjarri në ajër dhe në një rast gara me qen.
Në një njoftim Drejtoria Rajonale Gjilan sqaron se Njësiti i Hetimeve të Stacionit Policor Viti në vazhdën e hetimeve në lidhje me rastin “Keqtrajtimi i kafshëve dhe ndotja e ushqimit dhe e ujit të shtazëve’’ ku dyshohej edhe për të shtëna me arme zjarri në ajër në një rast gara me qen të datës 27.03.2022, sot me datën 12.09.2022 nga ana e Policisë është arritur që të arrestohet i dyshuari Kosovar Shqiptar I.I. (1990) nga fshati Pleshinë komuna e Ferizajt.
Bëhet e ditur se i dyshuari është intervistuar në bazë të procedurave ligjore dhe nga i njëjti është konfiskuar në cilësinë e provave materiale për gjykatë një arme revole, një karikator dhe një këllëf i armës përkatës.
Sipas Policisë, në lidhje me rastin është njoftuar Prokurori i Shtetit, i cili ka urdhëruar që lënda të procedohet në procedurë të rregullt në Prokurorinë Themelore Gjilan me kallëzim penal për veprat penale “Mbajtje në pronësi, kontroll ose posedim të paautorizuar i armëve’’ dhe ,,Keqtrajtimi i kafshëve dhe ndotja e ushqimit dhe e ujit të shtazëve”./KosovaNews/
