Në kuadër të takimeve të fushatës për balotazh, kandidati për kryetar të Komunës së Fushë Kosovës nga Lëvizja Vetëvendosje, Valon Prebreza, ka zhvilluar mbrëmë tubim madhështor me banorët e Lismirit, Nakaradës dhe Kollonisë, ku është pritur me entuziazëm dhe mbështetje të madhe nga qytetarët.
Takimet u zhvilluan në atmosferë energjike dhe mobilizuese, duke reflektuar besimin e qytetarëve në vizionin e Prebrezës për një Fushë Kosovë më të drejtë, më transparente dhe më të zhvilluar.
Energjia dhe pjesëmarrja e lartë në këto tubime konfirmuan frymën e bashkimit që po karakterizon këtë fushatë dhe gatishmërinë e qytetarëve për të qenë pjesë e ndryshimit.Prebreza theksoi se ndryshimi është i mundur vetëm kur qytetarët bashkohen rreth vlerave të ndershmërisë dhe përkushtimit. Ai falënderoi qytetarët për mbështetjen e vazhdueshme, duke theksuar se bashkimi i Lismirit, Nakaradës dhe Kollonisë është dëshmi se qytetarët e Fushë Kosovës janë gati për një kapitull të ri të qeverisjes lokale.
Me këtë seri takimesh, fushata e Valon Prebrezës po hyn në fazën e saj përmbyllëse me një mesazh të qartë: ndryshimi do të ndodhë më 9 nëntor, me qytetarët në qendër dhe me besimin e përbashkët për një Fushë Kosovë që ecën përpara.
