Instituti Hidrometeorologjik i Kosovës ka njoftuar të martën, se në dy ditët e ardhshme në Kosovë, do të mbajë mot i freskët.
Sipas njoftimit, në fushat termike parashihet rritje e lehtë sidomos e vlerave të maksimaleve, ndërsa minimalet mbeten të njëjta me ditët e fundit, duke bërë kështu që netët të jenë të freskëta me temperatura nën mesataren e korrikut.
Temperaturat minimale do të lëvizin ndërmjet 8-10 gradë celsius, ndërsa maksimalet e ditës parashihen të lëvizin ndërmjet 22-29 gradë celsius.
