Barcelona dhe Interi do të luajnë ndeshjen e parë gjysmëfinale të Ligës së Kampionëve sonte nga ora 21:00.
Barcelona hyn në këtë ndeshje me tre fitore radhazi dhe Kupën e Mbretit pasi mposhti Real Madridin në finale, ndërsa Interi humbi tre ndeshjet e fundit dhe kështu ra në vendin e dytë në renditjen e Serie A dhe u eliminua në gjysmëfinalet e Kupës së Italisë.
Barcelona do të duhet të bëjë pa lojtarë si Robert Lewandowski, Marc Casado, Marc Bernal, Alejandro Balde të cilët mungojnë.
Në anën tjetër, te Interi janë pothuajse të kompletuar, pasi vetëm Benjamin Pavard nuk do të luajë.
Gjyqtari kryesor i ndeshjes është francezi Clement Turpin, i cili ka treguar nivel të lartë gjykimi në vitet e fundit.
Barcelona: Szczesny; Koundé, Cubarsi, Inigo Martinez, Gerard Martin; De Jong, Pedri; Yamal, Olmo, Raphinha; Ferran Torres.
Inter: Sommer; Bisseck, Acerbi, Bastoni; Dumfries, Barella, Calhanoglu, Mkhitaryan, Dimarco; Lautaro Martinez, Thuram.
