Drejtori i spitalit Al-Shifa, Mohammad Abu Salmiya, ka treguar më shumë për kushte të dëshpëruara që prekin mbi 650 njerëz të plagosur, 36 foshnje të lindura para kohe, 45 pacientë me veshka dhe 5 mijë njerëz të zhvendosur. Ai ka thënë se kishte edhe fëmijë të uritur.
“Fëmijët po vdesin nga uria dhe këtu kam parasysh fëmijët e zhvendosur sepse ata kanë nevojë për qumësht dhe nuk ka ujë për të bërë qumësht për ta”, ka thënë Abu Salmiya në një intervistë telefonike me Al-Jazeera Arabic.
Ai ka raportuar vdekjen e një pacienti me veshka, dhe se katër të tjerë janë “në prag të vdekjes”, sipas tij për shkak të kushteve kritike dhe mungesës së dializës prej disa ditësh.
Abu Salmiya ka akuzuar ushtrinë izraelite për rrethimin e spitalit, sabotimin e seksioneve dhe kalimin e 48 orëve të fundit duke bredhur lirshëm nëpër ambiente.
Të mërkurën, Forcat e Mbrojtjes së Izraelit (IDF) kanè thënë se kishin filluar “një operacion të saktë dhe të synuar kundër Hamasit në një zonë të caktuar në Spitalin Shifa”.
Duke shprehur zhgënjimin, Abu Salmiya e ka konsideruar botën dhe pushtimin izraelit përgjegjës për rrethanat e rënda, duke kërkuar ndërhyrje të menjëhershme, raporton BBC.
“Spitali i ngjan një burgu të madh që mban mbi 7 mijë njerëz të zhvendosur, staf mjekësor, pacientë dhe të plagosur të gjithë ndërsa po përballet me një mungesë të madhe të sendeve thelbësore”, ka thënë drejtori i spitalit Al-Shifa.
Ai ka shtuar se sulmi ushtarak izraelit ka dërguar në një prishje të plotë të shërbimeve për shpëtimin e jetës, duke e lënë spitalin të paaftë për të siguruar për banorët e tij.
