Presidenti i Turqisë, Recep Tayyip Erdogan, e ka quajtur shtet terrorist Izraelin pasi trupat ushtarake u futën në kompleksin spitalor në Gaza, ka raportuar të mërkurën TheGuardian.
Ai i ka përsëritur deklarimet në Parlament se Hamasi nuk është organizatë terroriste, e ka shtuar se Turqia do të vijojë të punojë në skenën ndërkombëtare “për të siguruar që kolonët izraelitë të njihen si terroristë”.
Presidenti turk ka thënë se Izraeli po kryen krime lufte dhe po e shkel ligjin ndërkombëtar në Gaza.
Erdogan i ka kërkuar kryeministrit izraelit, Benjamin Netanyahu, të përgjigjet nëse Izraeli ka bomba bërthamore apo ajo, derisa ka pretenduar se ai “e ka mbaruar detyrën e tij”.
Turqia i ka tërhequr diplomatët nga Izraeli në vazhdën e përgjigjes së Izraelit ndaj sulmit të Hamasit më 7 tetor.
Komenteve të Erdoganit u është përgjigjur lideri i opozitës, Yair Lapid, që ka thënë se “s’marrin mësime morale nga presidenti Erdogan”
“…Një njëri me një histori të tmerrshme të të drejtave të njeriut. Izraeli po mbrohet ndaj terroristëve brutalë nga Hamas-Isisi, disa prej të cilëve janë lejuar të veprojnë nën çatinë e Erdoganit”, ka thënë ai.
Ndërsa, kryeministri i Kanadasë, Justin Trudeau, u ka bërë thirrje trupave ushtarake izraelite të ndalojnë vrasjen e foshnjave.
Në skenën ndërkombëtare, Izraeli po përpiqet të ofrojë sa më tepër prova se bodrumi i spitalit po përdoret si seli e Hamasit.
