Erdhi në Shqipëri për pushime, por gjeti vdekjen – Mes dhimbjesh, vogëlushja 7 vjeçe përcillet sot në varreza
Jonada e vogël erdhi në Shqipëri me prindërit e saj dhe po shijonte detin e bukur të jugut, por një incident me gomone i mori jetën.
Helikat e mjetit lundrues që drejtohet nga Arjan Tase, shef i Policor në Elbasan dëmtuan rëndë shtatë vjeçaren, që vdiq në vend.
Mes dhimbjesh, trupi i pajetë i së ndjerës përcillet këtë të mërkurë për në banesën e fundit. Jonada do të prehet në varrezat e Tufinës.
Vrasja e saj nga një polic që shkeli rregullat duket lundruar shumë pranë bregut ka tronditur opinionin publik.
Me moton “Nuk e vrau varka, por shteti”, përdoruesit e rrjeteve sociale kanë bërë thirrje për t’u bashkuar këtë të enjte në orën 19:00 jashtë Ministrisë së Brendshme.
Siç shihet në këto pamje, plazhi i Potamit është braktisur plotësisht ditën e sotme, ndërsa pranë vendngjarjes është vendosur një kukull e vogël dhe disa lule, në shenjë homazhi.
I vrau vajzën me skaf, momenti kur babai i 7-vjeçares i vërsulet policit, më pas bie në gjunjë nga dhimbja
Fotot që shihni tregojnë momentin e përplasjes së babait që humbi 7-vjeçaren në mënyrë tragjike dhe të drejtuesit të gomones Arjan Tase që goditi vajzën e vogël.
Gjithashtu në një tjetër foto duket edhe momenti dramatik kur babai i vajzës së ndjerë ka rënë në tokë me dy duar në kokë, i tronditur nga humbja e vajzës.
Kujtojmë se dëshmitarët janë shprehur se drejtuesi i gomones, ka qëndruar indiferent, por edhe i është kthyer ashpër prindërve të vajzës që humbi jetën.
