Eksperti amerikan i çështjeve të Ballkanit, Daniel Serwer deklaroi se dialogu midis Kosovës dhe Serbisë nuk po funksionon.
Serwer bëri këtë deklaratë në një analizë të publikuar pas takimit të së martës mes kryeministri të vendit, Albin Kurti dhe presidentit serb, Aleksandar Vuçiq, e ku foli për të gjithë faktorët që janë të përfshirë.
“BE-ja po paralajmëron për dhunë të mundshme për shkak të këtij ngërçi. Kjo është realiste. Beogradi ka shkaktuar disa herë dhunë gjatë vitit të kaluar në veri të Kosovës me shumicë serbe. Serbia po përpiqet të tregojë se Kosova nuk mund të qeverisë atje dhe të bëjë që amerikanët dhe evropianët të bindin Prishtinën që ta lejojë Beogradin ta bëjë këtë përmes Asociacionit”, shkroi Serwer në një analizë të tij.
Ai më tej u shpreh se Kurti nuk po blen, jo vetëm sepse dëshiron të mbrojë sovranitetin dhe integritetin territorial të Kosovës, por edhe sepse Serbia, SHBA dhe BE po i ofrojnë pak në këmbim.
“Fakti i qartë është se dialogu Kosovë-Serbi nuk po funksionon. Është joshëse të thuash se askush nuk është fajtor, por do të ishte më e saktë të thuash se janë të gjithë”, tha ai.
“Evropianët nuk kanë arritur ta bëjnë aderimin tërheqës. Amerikanët thjesht janë zhvendosur në qetësimin e Beogradit dhe goditjen ndaj Prishtinës”.
Në analizë, analisti amerikan thotë se Kosova dhe Serbia nuk janë të gatshme që të përmirësojnë marrëdhëniet dhe se sipas tij asnjë marrëveshje përfundimtare nuk është në horizont.
“Kjo është ajo që duhej të prodhonte dialogu dypalësh. Pra, është koha për ta zhvendosur shfaqjen Serbi/Kosovë atje ku mund të jetë më produktiv”.
