Një ekip i udhëhequr nga shkencëtarët kinezë ka thyer një rekord duke arritur komunikimin kuantik në një distancë prej 12,900 kilometrash. Eksperimenti konsiderohet epokal për shkak të potencialit të tij për komunikim të sigurt kuantik në shkallë globale, transmeton KosovaNews.
Një ekip ndërkombëtar kërkimor i udhëhequr nga shkencëtarët kinezë ka thyer një rekord në këtë fushë duke arritur komunikimin kuantik në një distancë prej 12,900 kilometrash midis Kinës dhe Afrikës së Jugut përmes satelitit.
Sipas agjencisë së lajmeve Xinhua, studiuesit nga Universiteti i Shkencës dhe Teknologjisë i Kinës, në eksperimentin e publikuar në revistën Nature, arritën të kryejnë shpërndarjen e çelësave kuantik në kohë reale (QKD) nga një stacion tokësor në Kinë në një stacion tokësor në Afrikën e Jugut, duke përdorur satelitin e testimit teknologjik Jinan-1.
Studiuesit, të cilët transmetuan sinjale të koduara 12,900 kilometra larg, arritën komunikimin kuantik më të gjatë të sigurt në botë.
Eksperimenti konsiderohet epokal për shkak të potencialit të tij për komunikim të sigurt kuantik në shkallë globale.
Në vitin 2022, studiuesit nga Universiteti i Shkencës dhe Teknologjisë i Kinës thyen rekordin në këtë fushë duke arritur shpërndarjen e çelësave kuantik në një kabllo optike me fibra 833 kilometra../KosovaNews/
