KosovaNews në orët e mesdites publikoi një thirrje ku e kishte incizuar një aktivist të PDK-së i cili nëpërmjet numrit 045 504 356 po telefononte votuesit nga shtabi i PDK-së në Prishtinë duke ju bërë thirrje për të votuar kandidatin e LDK-së Përparim Rama.
Gjatë bisedës kuptohet se PDK-LDK kanë bërë marrëveshje të fshehtë për ta mbështetur Përparim Ramën ku siç thotë telefonuesi i prezantuar si Namani kjo gjë po bëhet për të miren e PDK-së dhe se arsyet janë “Konfidenciale”…
Sipas burimeve të KosovaNews brenda Partisë Demokratike të Kosovës përsoni që po i organizon këto thirrje është një funksionar i lartë i Rinisë Demokratike të Kosovës në Prishtinë.
Publikimi i këtyre bisedave shkaktoi një reagim të madh në opinion publik duke shpërfaqur qartë marrëveshjet e fshehta apo “konfidenciale” mes LDK-së dhe PDK-së për Prishtinën.
Kujtojmë se kandidati i PDK-së Uran Ismajli gjatë fushatës së tij në Prishtinë kishte kundërshtuar ashpër qeverisjen 4 vjeçare të kandidatit të PDK-së Përparim Rama.
Madje Ismaili nëpër debate televizive kishte thënë se PDK-ja kishte bërë gabim të madh që e kishte mbështetur Përparim Ramën në zgjedhjet e vitit 2021.
Mirëpo organizimi i PDK-së në ditën e zgjedhje për ta mbështetur në fshehtësi Përparim Ramën shpërfaqë qartë se të gjitha këto gjoja kundërshtime janë veç sa për konsum publik ndërkohë që realiteti është se PDK dhe LDK kanë marrëveshje të përbashkëta si në nivelin qëndror po ashtu edhe në atë lokal.
