Zëvendëskryeministrja e Kosovës, Emilja Rexhepi ka pritur në takim të martën drejtorin e Byrosë Kosovare të Sigurimit, Sami Mazreku.
Rexhepi ka shkruar në “Facebook”, se gjatë takimit Mazreku e ka njoftuar atë për punët që janë bërë gjatë muajve të fundit, si uljen e numrit të aksidenteve, po ashtu edhe në mbylljen e shpejtë të dëmeve.
“Mazreku gjithashtu i ka treguar zëvenskryeministres për angazhimin që janë duke bërë për gjetjen e një rruge për anëtarësimin e Kosovës në Byronë e Kartonit të Gjelbër. Po ashtu, gjatë muajit korrik pritet të ketë takim në mes të Byrosë Kosovare të Sigurimit dhe Byrosë së Bosnjës dhe Hercegovinës me qëllim të levizjes së lirë me karton të gjelbër pa sigurim kufitar njëjtë, sikur është rasti me Malin e Zi” , ka shkruar ajo.
Ndryshe Drejtori Ekzekutiv i Byrosë Kosovare të Sigurimit (BKS) Sami Mazreku, në një intervistë për RTK-në tha se një shtet i gatshëm të garantojë BKS-në për Kartonin e Gjelbër.
“Në korrik është planifikuar një takim i radhës në Byronë e Kartonit të Gjelbër në Bruksel nga atje presim që të marrim ndonjë konfirmim dhe nga ato shtete që e kemi marr konfirmimin duhet ta miratojmë dhe aprovojmë në Zyrën e Byrosë së Kartonit të Gjelbër pastaj të aplikojmë në komunitetin e aplikimeve dhe si BKS të bëjmë zgjidhje sa i përket Kartonit të Gjelbër. Po punohet shumë bashkë me Bankën Qendrore gjithsesi e kemi një lajm që një shtet e ka ndarë mendjen që me na përkrah e procesit të alternativës sa i përket këtij kartoni por nuk mund ta bëjë të ditur emrin e shtetit për shkak të disa procedurave”, u shpreh Mazreku. /rtk/