Ad image

Paralajmërohet reduktim të furnizimit me ujë të pijshëm

Kosova News
Kosova News 13:39 -05/06/2022

Shumë shpejt mund të ketë reduktime me furnizim me ujë të pijshëm. Paralajmërimi vjen nga drejtues të kompanisë rajonale të ujësjellësit “Prishtina”.

Sokol Xhafa, ushtrues i detyrës së kryeshefit ekzekutiv në këtë kompani, deklaroi se reduktimet mund të ndodhin, nëse qytetarët nuk ndalojnë së keqpërdoruri ujin e pijshëm.

Në një deklarim në llogarinë e tij në Facebook, për ta dëshnuar keqpërdorimin e ujit nga disa qytetarë, ka publikuar edhe disa pamje në vende të ndryshme, ku shihet  rrjedhja e ujit.

“‘Kultura’ jonë ‘qytetare’, ose më mirë qyqare. Keqpërdorimet – vjedhjet e ujit në të gjitha anët”, ka shkruar Xhafa, si përshkrim të pamjeve nga disa zona. “Lusim qytetarët të lajmërojnë keqpërdorimet, përndryshe e ardhmja e afërt mund të rikthejë reduktimet e ashpra në të gjitha qytetet dhe zonat”.

Gjatë muajve të verës, reduktimet e ujit janë të shpeshta në rajonin që mbulon kompania “Prishtina”. Kjo kompani, përveç Prishtinës, mbulon edhe Drenasin, Lipjanin, Obiliqin, Podujevën e Fushë Kosovën. /RTKlive/

Shpërndaje