Presidentja Vjosa Osmani ka dekretuar dje Ligjin e Pagave. Rritje të koeficienteve me ligjin e ri do të ketë për mjekët specialistë, mësimdhënësit dhe policët. Projektligji për Paga është miratuar në Kuvendin e Kosovës me 22 dhjetor të vitit të kaluar.
“Zyra e Presidentes ka pranuar për shpallje, Ligjin Nr. 08/L-196 për Pagat në Sektorin Publik, sot, më 4 janar 2023. Pas analizave ligjore nga Zyra e Presidentes, Presidentja Osmani e ka dekretuar shpalljen e Ligjit për Pagat në Sektorin Publik, po sot, më 4 janar 2023”, ka deklaruar për Telegrafin Bekim Kupina, këshilltar për Media i Zyrës së Presidentit.
Qëllimi i këtij ligji është që të krijojë një sistem të njëtrajtshëm të pagave në sektorin publik, që përfshin parimet dhe rregullat për përcaktim të pagës në sektorin publik.
Shpallja e ligjit
Pas nënshkrimit nga Kryetari i Kuvendit, në afat prej 10 ditë pune nga dita e miratimit, ligji dërgohet për shpallje tek Presidenti i Republikës. Sipas nenit 80 të Kushtetutës së Kosovës, Presidenti, në afat prej 8 ditësh pasi ta ketë marrë ligjin, e shpall Ligjin të miratuar nga Kuvendi.
Ligji hyn në fuqi 15 ditë pas publikimit në Gazetën Zyrtare të Republikës së Kosovës, përveç nëse, me vetë ligjin përcaktohet ndryshe.
Koeficientët në institucione
Ligji i ri i pagave tani pas dekretimit nga presidentja pritet së shpejti të hyn në fuqi dhe të zbatohet. E me këtë ligj janë bërë publike koeficientet për paga në sektorin publik.
Këtu keni të gjithë koeficientët për të gjitha kategoritë e të punësuarit në sektorin publik. Shikoni dhe mësoni se çfarë koeficienti keni. Për të parë të gjitha klikoni te Shtojcat…Download
