Mëngjesi i 11 dhjetorit e gjeti veriun e Kosovës të qetë, por me rrugë të bllokuara. Megjithatë, gjatë natës është raportuar për sulme mbi patrullat vëzhguese të EULEX-it dhe Policisë së Kosovës.
Policia e Kosovës vazhdon prezencën e shtuar në lagjet e përziera etnikisht, si Mahalla e Boshnjakëve në Mitrovicën e Veriut. KFOR-i dhe EULEX-i janë duke e monitoruar vazhdimisht situatën në veri.
Paraditen e së dielës lëvizjet e banorëve lokalë kanë qenë të pakta.
Më 10 dhjetor në Rudarë, serbët lokalë u mblodhën në shenjë pakënaqësie për arrestimin e ish-pjesëtarit të Policisë së Kosovës, Dejan Pantiq nga radhët e komunitetit serb, ku vendosën barrikada.
Si rrjedhojë, Policia e Kosovës mbylli rrugët që çojnë për në pikëkalimet kufitare Jarinjë dhe Bërnjak që lidhin Kosovën dhe Serbinë, duke e konsideruar këtë vendim si masë paraprake të sigurisë.
I gjitë tensioni nisi pas vendimit të Qeverisë së Kosovës për riregjistrim të makinave me targa ilegale serbe në RKS – Republika e Kosovës, raporton KosovaNews.
Serbia duke kundërshtuar vendimet e Kosovës po i nxit e shtynë strukturat e saj kriminale në veri që të bëjnë probleme, në mënyrë që të pengoj shtrirjen e sovranitetit të institucioneve të Kosovës në gjithë vendin.
E nga situata e krijuar është ngritur sërish cështja e bojkotit për Serbinë, së paku në aspketin ekonomik e tregtar, duke mos blerë produktet e saj.
Asamblisti i VV-së në Prishtinë, Gëzim Sveçla tha se ky është momentumi më i mirë që qytetarët të refletojnë.
“Sot është një mundësi shumë e mirë që të gjithë ne të bëjmë diçka të rëndësishme për vendin tonë: Të vendosim nga sot të mos blejmë më produkte të Serbisë. Njëherë e përgjithmonë. Përfundimisht. Një euro e shpenzuar në prodhime serbe është një plumb më shumë për kriminelët në veri të vendit. Ai plumb po përdorët kundër grave dhe burrave të Policisë sonë, kundër motrave dhe vëllezërve tanë që po i ruajnë kufinjtë e Republikës dhe po kujdesën për shqiptarët që jetojnë në atë pjesë. Bojkoto prodhimet serbe ??, mos i forco ata që duan të na zhdukin e të na zhbëjnë, mos e financo Serbinë fashiste. Kjo është më e pakta që mund të bëjmë secili nga ne. E kemi borxh”, ka shkruar ai në rrjetin social.
Pra, që t’ua ndalim hovin sulmeve të Serbisë kundrejt pavarësisë e sovranitetit të Kosovës, krahas vendimeve të Qeverisë së Kosovës edhe qytetarët mund të kontribuojnë, duke mos blerë gjithë ato produkte që barkodi ju fillon me 860.
Pra, Bashkoju luftës kundër Serbisë – Mos blej produktet serbe./KosovaNews
