Kryeministri Edi Rama i është nënshtruar një operacioni në Qendrën Spitalore Universitare “Nënë Tereza”.
Përmes një njoftimi zyrtar bëhet me dije se Rama u diagnostikua me apendisit akut.
Në bazë të rekomandimit të mjekëve të shërbimit të urgjencës, thuhet se kryeministri Rama iu nënshtruar operacionit për heqjen e apendesiti në orët e para të mëngjesit të sotëm.
Operacioni u krye nga ekipi i mjekëve kirurgë dhe anestezistë, nën drejtimin e prof. Arben Gjata, shef i shërbimit të kirurgjisë në QSUT.
Sipas zyrës së shtypit të qeverisë ndërhyrja konsiderohet e suksesshme dhe gjendja shëndetësore e kryeministrit paraqitet e mire.
