Pavarësisht se e fitoi titullin e kampionit në Gjermani pas një lufte të ashpër me Borussia Dortmundin deri në minutat e fundit të ndeshjes së fundit, Thomas Tuchel pritet të largohet nga Bayerni.
Ende pa nisur mirë festa e titullit, zhvillimet në bordin drejtues të gjigantit gjerman ishin të vrullshme me klubin që vendosi të shkarkojë dyshen Kahn dhe Salihamidzi që kishin qenë drejtor gjeneral dhe drejtor sportiv.
Por, situata mund të shkojë edhe më tutje dhe nuk përjashtohet mundësia që nga klubi të largohet edhe trajneri Thomas Tuchel, përcjellë lajmi.net.
Ish-mesfushori i Bayernit Dietmar Hamann nuk ka dyshime për atë që ka të ngjarë të ndodhë.
“Kur i trajton njerëzit kështu, duhet të pyesësh veten a dëshiron të punosh për këtë klub? Unë nuk mendoj se mund të përjashtoni mundësinë e largimit të Tuchel së shpejti. Por ai do të largohet me dëshirën e tij .”, ka thënë Hamann.
Edhe pse sezoni ka përfunduar me një tjetër titull të ligës, gjatë këtij sezoni Bayrni ka qenë në shumë raste në tituj kryesor të mediave për shkak të disa skandaleve e përplasjeve mes lojtarëve.
