Kuvendi Kosovës me fillim nga ora 13:00 sot do të vazhdojë punimet e ndërprera dje, ku do të diskutohet për punën dy vjeçare të Qeverisë së Kosovës.
Ndryshe dje për shumë orë në Kuvendin e Kosovës, pozita lavdëroi punët e kryera gjatë kësaj qeverisje, ndërsa opozita kritikoi qeverinë për mos arritje të objektivave.
Puna dy vjeçare e Qeverisë e Kosovës, është prezantuar nga kryeministri i Kosovës, Albin Kurti dhe ministrat e tij.
E në rend dite për sot në Kuvend janë edhe shqyrtimi i dytë i Projektligjit për Agjencinë e Kosovës për Akreditim, shqyrtimi i dytë i Projektligjit për sanksionet e shёnjestruara kundër shkelësve të huaj të drejtave të njeriut, shqyrtimi i dytë i Projektligjit për ndryshimin dhe plotësimin e Ligjit për energjinë, shqyrtimi i parë i Projektligjit për pensionet e zyrtarëve policor të Policisë së Kosovës dhe punonjësit e Inspektoratit Policor të Kosovës me autorizime policore, shqyrtimi i parë i Projektligjit për çmimin e produkteve medicinale, shqyrtimi i rekomandimit lidhur me auditimin e procesit të shitjeve me negocim direkt në Agjencinë Kosovare të Privatizimit.
