Një mosmarrëveshje në rrugën e fshatit Gorancë ka përfunduar me kacafytje mes tre të rinjve.
Në fakt dy persona të rinj, por të moshës madhore e kanë rrahur një 16 vjeçar.
Stacioni i Policisë në Han të Elezit, mbrëmë rreth orës 21:45 ka pranuar një informacion se në fshatin Gorancë të Hanit të Elezit është një rast i lëndimit trupor.
Në lidhje me këtë, policia i ka marr veprimet e nevojshme dhe menjëherë ka dalë në vendin e ngjarjes dhe ka arrestuar dy persona të dyshuar me inicialet A.L (M/K) i moshës 22 vjeçar dhe A.L (M/K) i moshës 20 vjeçar.
“Të arrestuarit për shkak të një mosmarrëveshje në rrugë, kishin sulmuar personin me inicialet B.B (M/K) i moshës 16 vjeçar, duke i shkaktuar lëndime trupore dhe për këtë ai kishte pranuar tretman mjekësor”, thuhet në njoftim.
Bëhet e ditur se të dyshuarit e arrestuar janë shoqëruar në stacionin e policisë dhe në rast janë kyçur Njësia e Hetimeve e stacionit të Hanit të Elezit.
Pas intervistimit nga hetuesit policor, me vendim të Prokurorit kujdestar nga Prokuroria Themelore në Ferizaj , dy të dyshuarit janë dërguar në mbajtje për 48 orë , ndërsa rasti është cilësuar ‘’Lëndim i lehtë trupor’’./KosovaNews/
