Policia e Kosovës ka bërë të ditur se ka arrestuar dy të dyshuar, pasi të njëjtit në bashkëpunim edhe me dy të dyshuar tjerë kanë mashtruar një person me premtimin se do t’i siguronin termin për vizë në ambasadën gjermane ku i njëjti kishte paguar 1500 euro.
Rasti ka ndodhur më 11 janar 2023 në Podujevë.
“Janë arrestuar dy të dyshuar meshkuj kosovarë, pasi që të njëjtit në bashkëpunim edhe me dy të dyshuar meshkuj kosovarë, kanë mashtruar viktimën mashkull kosovar me premtimin se do t’i siguronin termin për vizë në ambasadën gjermane ku i njëjti kishte paguar 1500 euro”, thuhet në raport.
Me vendim të prokurorit dy të dyshuar dërgohen në mbajtje, ndërsa dy të dyshuarit tjerë lirohen në procedurë të rregullt
