Dy persona kanë vdekur pas të shtënave në një fabrikë të “Mercedes Benz” në Gjermani, ka thënë prodhuesi i makinave.
Ndërkaq, zëdhënësi i zyrës së prokurorit në qytetin e afërt të Shtutgartit bëri të ditur se një i dyshuar 53-vjeçar është arrestuar pas të shtënave në Sindelfingen.
Më herët, ishte raportuar se një person kishte vdekur dhe një ishte plagosur rëndë. Nuk dihet nëse personi i plagosur është punonjësi i dytë që është vrarë. Mirëpo, Mercedes ka thënë se personat e përfshirë në të shtënat ishin të punësuar nga një ofrues i jashtëm shërbimi.
Policia mori thirrjet e para të urgjencës rreth orës 7:45 të mëngjesit me orën lokale të enjten, tha një zëdhënëse e policisë për agjencinë gjermane të lajmeve DPA, transmeton SKY NEWS.
Motivi i të dyshuarit është i paqartë.
Mercedes Benz më herët konfirmoi se një incident kishte ndodhur në Sindelfingen dhe ishte në kontakt me autoritetet. Kompania theksoi se siguria e punonjësve është e para.
