Edhe dy persona kanë humbur jetën në 24 orët e fundit në Kosovë si pasojë e COVID-19.
Sipas njoftimit të Ministrisë së Shëndetësisë nga testimet e fundit janë regjistruar edhe 331 raste të reja të koronavirusit.
Rezultatet pozitive dolën nga testimi i 1.125 të dyshuarve si të infektuar.
Tashmë numri i rasteve aktive është 7.399 në Kosovë.
Deri më tani, autoritetet shëndetësore kanë dhënë më shumë se 1.8 milion vaksina kundër këtij virusi.
Mbi 903 mijë banorë kanë marrë dozën e parë, mbi 824 mijë të dyja dozat, ndërsa edhe të tretën mbi 104 mijë.
Prej raportimit të rasteve të para me koronavirus, në mars të vitit 2020, autoritetet shëndetësore në Kosovë kanë regjistruar mbi 3 mijë vdekje.
Për koronavirusin e ri, që shkakton sëmundjen COVID-19, është raportuar për herë të parë në dhjetor të vitit 2019 në Vuhan të Kinës.
Organizata Botërore e Shëndetësisë e pati shpallur koronavirusin si pandemi më 11 mars të vitit 2020./KosovaNews/
