Policia e Kosovë ka hapur dy raste si “hetim mbi vdekjen”, pasi në dy raste të ndara dy ditët e fundit në Prishtinë janë gjetur persona të vdekur në rrethana ende të pasqaruara.
Rasti i fundit është konstatuar dje, pasi në shtëpinë e tij është gjetur pa shenja jete një person.
“Prishtinë 12.07.2022. Raportohet se në shtëpinë e tij ka ndërruar jetë viktima mashkull kosovar. Njësitë relevante policore dhe një ekip mjekësor kanë dalë në vendin e ngjarjes, mjeku përgjegjës ka konstatuar se viktima është pa shenja jete”, thuhet në raportin 24- orësh të policisë.
Bëhet e ditur se lidhur me rastin është konsultuar prokurori i shtetit me urdhër të së cilit trupi i viktimës është dërguar në Institutin e Mjekësisë Ligjore (IML) për obduksion.
Ndërsa për rastin e dytë, policia njofton në raportin 24-orësh se 11-12.07.2022 në Prishtinë është raportuar se ka ndërruar jetë viktima mashkull kosovar.
Edhe në këtë rast, njësitë relevante policore dhe një ekip mjekësor kanë dalë në vendin e ngjarjes dhe mjeku përgjegjës ka konstatuar se viktima është pa shenja jete.
Lidhur me rastin është konsultuar prokurori i shtetit
Me urdhër të prokurorit trupi i viktimës është dërguar në IML për obduksion.
Të dyja rastet vazhdojnë të hetohet nga njësitet e Policisë së Kosovës./KosovaNews/
