Hysen Durmishi, i ka dorëzuar Fitore Pacollit postin e ministrit të Mjedisit e Planifikimit Hapësinor.
“Sot, në Ministrinë e Mjedisit, Planifikimit Hapësinor dhe Infrastrukturës, u realizua dorëzimi zyrtar i detyrës së ministrit, ku z. Hysen Durmishi ia dorëzoi detyrën znj. Fitore Pacolli. Me këtë rast u vlerësua puna dhe angazhimi i z.Durmishi gjatë drejtimit të ministrisë, si dhe u theksua përkushtimi për vazhdimin e projekteve në fushën e Mjedisit dhe Planifikimit Hapësinor, në shërbim të qytetarëve”, thuhet në njoftim.
Pacolli do ta mbajë postin e Mjedisit dhe Planifikimit Hapësinor, ndërkaq sektori i Infrastrukturës është zgjeruar në ministrinë e re, Infrastrukturës dhe Transportit të cilën do ta udhëheq Dimal Basha.
