Policia e Kosovës ka njoftuar se të dielën në orët e vona të mbrëmjes, është raportuar për një person të zhdukur.
Sipas policisë, 26 vjeçari Admir Adili nga Fshati Borje i Shqipërisë më datën 04 shtator ka dalë në bjeshkët e fshatit Brod të Dragashit për të mbledhë Boronica, kur shokët e tij janë kthyer nga bjeshka ai nuk është kthyer .
Që nga momenti i raportimit të personit si person zhdukur, Policia e Republikës së Kosovës dhe Republikës së Shqipërisë kanë filluar një operacion kërkim –shpëtimi.
Ndërkaq, më datat 05, 06 dhe 07 shtator operacioni është zgjeruar, përveç policisë së të dy vendeve, janë përfshirë edhe FSK –ja dhe Shoqata e Kosovës për Kërkim-Shpëtim dhe vullnetar.
Kurse, dje më datë 07.09.2022 vet Drejtorit Rajonal Policisë së Prizrenit, Kolonel Faton Alija, me stafin e tij ka dal në vendngjarje për të koordinuar operacionin, aty ai u konsultua me Komandantin e Stacionit Policor të Dragashit, me Policinë Kufitare të Kosovës, me Policinë Kufitare te Shqipërisë, me Njësinë Kërkim-Shpëtimit të FSK-ës dhe me pjesëtaret e Shoqatës së Kosovës për kërkim-Shpëtim ( OJQ).
Drejtori rajonal ka urdhëruar që sot në operacion të dërgohet edhe Njësia e Reagimit të Shpejt si dhe hetuesit rajonal për të marr rastin në kompetencë.
Përpos personelit të përfshirë në këtë rast , FSK-ja ka përdorur për kërkim edhe qentë e terenit dhe motoçikleta me 4 rrota për teren malore.
Po ashtu Policia e Shqipërisë, po vazhdon ta përdor edhe dronin.
“Kryetari i KK-Dragash, është i informuar me rast dhe sipas mundësive edhe Komuna do të angazhohet dhe të mbështes këtë operacion”, thuhet në njoftimin e policisë
