Dogana e Kosovës ka bërë të ditur se dje në koordinim me Policinë e Kosovës kanë zbuluar dy barnatore në Ferizaj.
Sipas njoftimit të Doganës pas pranimit të informatave për posedim te mallrave të kontrabanduara janë kontrolluar dy barnatore në Ferizaj.
“Gjate kontrollit të subjekteve janë gjetur produkte farmaceotike( 436 pako barna) pa banderolla të Republikës se Kosovës, ku disa prej të cilave mbanin banderolla të Serbisë dhe shteteve tjera. Vlera e tyre është rreth 4000 euro”, thuhet në njoftim.
Dogana thotë se mallrat janë sekuestruar dhe derguar në terminalin doganore për procedura të mëtutjeshme.
“Rasti është duke u trajtuar nga njësitet e doganes së Kosovës”, thuhet tutje në njoftim.
