Një shtëpi në fshatin Vraniq të Suharekës është djegur gjatë pasdites së sotme.
Lajmin e ka konfirmuar zëdhënësi i policisë për rajonin e Prizrenit, Shaqir Bytyqi, ku njoftoi se fatmirësisht nuk ka të lënduar.
Vlera e dëmit sipas pronarit kap shumën e 60 mijë eurove.
“Më datë 10.11.2024 rreth orës 16:35 përmes telefonit policia ka marrë informatën se në fshatin Vraniq të Suharekës është duke u djegur një shtëpi. Sipas informatave nga vendngjarja kuptohet se aty ka qenë duke u djegur një shtëpi tre kate, ku zjarri ka përfshirë kulmin dhe dy kate. Zjarrëfikësit kanë dal në vendin e ngjarjes dhe kanë lokalizuar zjarrin. Dëmet materiale janë të konsiderueshme (sipas pronarit rreth 60.000 euro), të lënduar nuk ka. Policia bashkë me ekspertët e zjarrit nesër do të dalin përsëri në vendngjarje për të bërë këqyrjen e vendit dhe mbledhjen e dëshmive”, ka thënë Byqyqi.
