Policia e Kosovës ka njoftuar për dy raste të zjarrvënieve, ku janë djegur dy ara të mbjella me grurë.
Sipas policisë, në fshatin Bardh i Vogël, në Fushë-Kosovë më 11 korrik një person ka raportuar se i janë përfshirë nga zjarri rreth 60 ari të mbjella me grurë.
“Lidhur me rastin është konsultuar prokurori i shtetit, rasti vazhdon të hetohet”, thuhet në raportin e sotëm të policisë.
Po ashtu në fshatin Poslishtë, të Komunës së Prizrenit më 12 korrik një person ka raportuar se në pronën e tij janë përfshirë nga zjarri rreth 20 ari tokë të mbjella me grurë.
“Njësiti i zjarrfikësve ka lokalizuar zjarrin. Rasti nën hetime”, thuhet në raportin 24 orësh të policisë./KosovaNews/