Dhjetëra shtetas të huaj që kërkojnë marrjen e leje qëndrimit në Kosovë, janë parë në mëngjesin e së martës para zyrës së emigracionit në Prishtinë, raporton KosovaNews.
Sipas të dhënave deri në korrik të 2022-ës, 324 qytetarë të huaj kanë kërkuar azil në Kosovë.
Në mesin e tyre prijnë shtetasit e Marokut, Sirisë e Afganistanit e shumica e tyre tentojnë të kalojnë ilegalisht në Kosovë.
Ndërkaq aplikimi i shtetasve të huaj për leje qëndrimi në vendin tonë, që bëhet në kuadër të Departamentit për Shtetësi, Azil dhe Migracion të Ministrisë së Punëve të Brendshme, që nga viti i kaluar, është mundësuar edhe online lidhur me shërbimet ndaj shtetasve të huaj për leje të qëndrimit.
Përmes kësaj, lehtësohet procesi i aplikimit për leje të qëndrimit nga shtetasit e huaj dhe eliminohen pritjet të gjata./KosovaNews.
