Kandidatja për kryeparlamentare të Kuvendit të Kosovës, Albulena Haxhiu pas dështimit të 25- të të konstituimit të Kuvendit, ka thënë se opozita me një inat iracional ka vendosr të mos marrë pjesë në votim.
“Siç e keni parë sot ishte hera e 17-të prej kur është vendosur propozimi për votimin e komisionit për votimin e fshehtë. Edhe përkunder kësaj, nuk kemi një situatë ndryshe. Opozita me një inat iracional, ka vendosur që të mos marrë pjesë në votim, duke vepruar kështu në shpërputhje me aktgjykimin e Gjykatës Kushtetuese. Mendoj që është jashtëzakonsiht e rëndësishme që deputetët të jenë të përgjegjshëm dhe të veprojnë në përputhje me kushtetuten”, tha ajo.
