Deputetja e Parlamentit të Mbretërisë së Bashkuar, Alicia Kearns ka njoftuar se ka biseduar në telefon me kryeministrin e Kosovës, Albin Kurti.
Ajo njoftoi në Twitter se me Kurtin ka folur “lidhur me situatën në Kosovë, nevojën për deeskalim të tensioneve” dhe se kanë biseduar “qartë për faktorët destabilizues”.
Deputetja konservatore së fundmi ishte mjaft aktive duke komunetuar krizën e fundit në veri të Kosovës.
Ajo ka thënë se ndaj Kosovës po bëhet “presion i tepruar” dhe e ka dënuar “dhunën e orkestruar te zyrat e kryetarëve”.
Good to speak to @albinkurti earlier this week regarding the situation in Kosovo, the need to de-escalate tensions, and to speak plainly about destabilising factors. pic.twitter.com/5gEijLmykz
— Alicia Kearns MP (@aliciakearns) June 7, 2023
